ARUBA.- Curaçao Chess Festival 2013, Aruba bayendo pa su di 6 trofeo di campeon!

ARUBA - Agosto 2013

Aruba bayendo pa su di 6 trofeo di campeon!

Den e fin di siman aki e delegacion di ahedrez di Aruba ta viahando pa Corsow, pa representa Aruba den e prestigioso torneo di ahedrez internacional Curaçao Chess Festival, cu ta wordo hunga na Schaakvereniging Janwe, na Willemstad.

E torneo aki ta tuma lugar di 26 juli te cu 2 augustus y ta wordo hunga den 2 categoria:

Open Group y Youth Group U-18.

E delegacion di Aruba ta consisti di Sr. Maurits Dijkhoff (lider), Sr. Enrique Jacopucci, cu lo participa den e Open Group) y WCM Annelaine Jacobs, Daniel Diaz, Kunal Nathani, Angel Centeno, Douglas Dorothal y Gerard Jones, cu lo participa den e Youth Group U-18.

E paisnan cu ta participando e aña aki ta Aruba, Boneiro, Curaçao y Suriname.

Aña pasa Angel Centeno a sali subcampeon mientras cu Kunal Nathani a termina na e di 3 puesto. Esaki ta e prome biaha cu Enrique Jacopucci, WCM Annelaine Jacobs, Daniel Diaz, Douglas Dorothal y Gerard Jones ta participa.

Aruba a gana e trofeo di campeon di e Youth Group U-18 un total di 5 biaha caba:

Osh Lopez na 2007, Junior Carrero na 2008, Juan Pablo de Mey na 2009, Quintin van de Seijp na 2010 y Jomar Benschop na 2012 FM Juan Pablo de Mey, cu a caba di participa na e di 27 Universiade 2013, na Kazan, y cu ta viahando pa Hulanda cu e beursalen dia 30 di Juli, a duna un Schaak Simultaan diasabra ultimo na e delegacion di Aruba. Kunal Nathani y WCM Annelaine Jacobs no por tawata presente pa motibo di otro compromisonan. Fuera cu esaki tawata un training pa e miembronan di e delegacion di Aruba, na e mes un momento e tawata e despedida di FM Juan Pablo de Mey.

Schaakvereninging Aruba ta gradici FM Juan Pablo de Mey pa su contribucion na e training aki.

Directiva di Federashon di Ajedrez di Aruba ta desea e delegacion di Aruba hopi exito na Corsow y ta desea FM Juan Pablo de Mey hopi exito cu su estudio na Hulanda.

Fuente: arubawe